skyldutrygging lífeyrisréttinda og starfsemi lífeyrissjóða o.fl.
Herra forseti. Sú leið sem ríkisstjórnin leggur til er afskaplega fátækleg og lítil. Þetta er spurning um 630 þús. kr. sem menn geta fengið greiddar á 10 mánuðum. Það hjálpar engum sem er í vanda, ekki einum einasta. Menn eru að tala um miklu stærri upphæðir þar. Þetta er í rauninni opnun á kerfið og ég varaði við því í umræðum í gær, aftur og aftur, að umsagnaraðilar, þar á meðal seðlabankinn, hinn nýi seðlabankastjóri hefði varað við því að það gætu orðið meiri útgreiðslur úr lífeyrissjóðnum en hann réði við. Þá er traust manna á þeim stofnunum endanlega farið. Ég vona að það gerist ekki. Ég vona svo innilega, herra forseti, að það gerist ekki og í trausti þess styð ég þetta hænufet sem við erum að stíga til að allir geti tekið milljón út úr séreignarsjóðum sínum burt séð frá þörf, herra forseti. Ég segi já.