niðurgreiðslur húshitunarkostnaðar.
Frú forseti. Ég hlýt að mótmæla þessari flokksræðishugsun sem hv. þingmaður er haldinn. Ég er hér sem þingmaður en ekki sem einhvers konar flokksþjónustuaðili eða eitthvað slíkt. (Gripið fram í: Þú ert nú kosinn af flokknum.) Nei, ég er kosinn af kjósendum. (Gripið fram í: Ráðherraefni flokksins.) Ég vil þakka hv. þingmanni fyrir en fyrst þurfum við náttúrlega að komast í stjórn en kannski verður það.
Ég mótmæli því að ég geti ekki haft mína skoðun enda á ég að hafa hana samkvæmt stjórnarskránni. Mig langar að spyrja hv. þingmann, fyrst hann tók ekki tillit til þess sem rætt var hér í 2. umr., hvort hann viti hversu mörg heimili njóta niðurgreiðslu í dag svo ég geti reiknað út hve mikil niðurgreiðslan er á hvert heimili.
Það sýnir sig að þrátt fyrir niðurgreiðsluna hefur raforkan hækkað og hækkað langt umfram vísitölu og þrátt fyrir niðurgreiðsluna er munurinn 90 þús. kr. á heimili.