hlutafélög og einkahlutafélög.

Frú forseti. Nokkuð er liðið á kvöld, klukkan farin að ganga eitt og það er mikilvægt að hæstv. forseti upplýsi um það hversu lengi standi til að vera fram í nóttina. Enn þá eru mörg mál á dagskrá sem eftir er að taka umræðu um, viðamikil mál, frú forseti. Mörg undanfarin kvöld fyrir páskafrí hefur Alþingi starfað sleitulaust fram á nótt — og einu sinni, frú forseti, var sú tíð að menn töldu, ekki síst vegna orða hv. fyrrverandi þingmanns, Lúðvíks Jósepssonar, að það væri nóg að halda áfram tvö kvöld í röð á nóttu þar til frí yrði gert. Ég fer því fram á það við frú forseta að hún geri grein fyrir því hvernig á að haga fundi í nótt, hvort forseti telji nauðsynlegt að halda áfram langt inn í nóttina svo að þeir sem hafa fjölskyldur og öðrum hlutverkum að gegna geti gert grein fyrir því og gert ráðstafanir í tæka tíð, frú forseti. (Gripið fram í: Hvaða ráðstafanir ætlarðu svo sem að gera núna?)