fjármálafyrirtæki.

Frú forseti. Ég rakti áðan hugmyndir um þetta sem hafa verið kynntar í nefndinni. Eins og ég sagði er þar um að ræða aðkomu ríkissjóðs sem stofnfjáreiganda með allt að 20% eiginfjárframlagi miðað við reikningsskil í lok árs 2007. Það er möguleiki á aðkomu nýrra stofnfjáreigenda annarra, bæði sveitarfélaga eins og við höfum heyrt og jafnvel einstaklinga. En það er líka sá möguleiki að þær kröfur sem ríkissjóður á á sparisjóðina verði breytt í lán og þar með eiginfjárstaðan styrkt á svipaðan hátt og gerðist með VBS og Saga Capital.

Það kom fram fyrir nefndinni að ætlunin væri ekki að strauja stofnféð niður í núll og einnig, eins og ég sagði áðan, að ekki mundi eitt gilda um alla sparisjóðina.