endurskipulagning rekstrarhæfra atvinnufyrirtækja.

Frú forseti. Ég þakka hv. þm. Eygló Harðardóttur fyrir umræðu um upplýsingagjöf og gegnsæi. Ég held að við hv. þingmaður séum algjörlega sammála um mikilvægi þess að þingið og þjóðin í þeim tilvikum sem það á við hafi gott aðgengi að upplýsingum. Ég held líka að í kjölfar þess hruns sem hér varð í haust hafi komið mjög mikil gagnrýni fram á íslenska stjórnsýslu og á skort á gegnsæi í henni. Ég lít á það sem mitt hlutverk ásamt öðrum stjórnarþingmönnum og þingheimi öllum að vinna að því að setja löggjöf sem er til þess fallin að auka á gegnsæi og upplýsingagjöf til löggjafarvaldsins sem og þjóðarinnar.