137. löggjafarþing — 56. fundur, 21. ág. 2009.
ríkisábyrgð á lántöku Tryggingarsjóðs innstæðueigenda og fjárfesta.
136. mál
Frú forseti. Ég er ósammála skilningi þessa ágæta meðþingmanns míns og flokksfélaga Björns Vals Gíslasonar, ég er ósammála hans útleggingu á þessu og það er ekki í samræmi við það upplegg sem við nokkrir þingmenn í Vinstri hreyfingunni – grænu framboði lögðum upp með í leiðangurinn. Þeir fyrirvarar sem settir voru í vinnu nefndarinnar eða nefndanna, fjárlaganefndar eftir 20., 22.–23. júlí skipta fyrir mér sköpum og breyttu afstöðu minni til málsins. Það er svo einfalt.