ríkisábyrgð á lántöku Tryggingarsjóðs innstæðueigenda og fjárfesta.

Frú forseti. Við 2. umr., og jafnframt þá 1., kom fram mikill efi um að þeir fyrirvarar stæðust sem við værum að setja, og meira að segja í mínu hjarta greip um sig efi. Þá kom fram mjög snjöll tillaga frá Indefence-hópnum sem ég vil við þetta tækifæri þakka fyrir mjög óeigingjarnt og mjög gott starf í þágu þjóðarinnar. Það er sú tillaga sem við erum að greiða atkvæði um og hún hljóðar svo, með leyfi forseta:

„Það er skilyrði fyrir veitingu ríkisábyrgðarinnar að breskum og hollenskum stjórnvöldum verði kynntir þeir fyrirvarar sem eru settir við ábyrgðina samkvæmt lögum þessum og að þau fallist á þá.“

Þetta síðasta er mjög veigamikið. Ef þau ekki fallast á þessi skilyrði er engin ríkisábyrgð. Þetta finnst mér mjög snjallt og ég segi hjartanlega já við þessu.