ríkisábyrgð á lántöku Tryggingarsjóðs innstæðueigenda og fjárfesta.
Virðulegur forseti. Hér er Alþingi að greiða atkvæði um mál sem kom handónýtt frá framkvæmdarvaldinu. Alþingi tók völdin. Það er því skref í rétta átt hvað þingræðið varðar á Íslandi í þessu máli. Þingið hefur unnið vel og gert margar mikilvægar breytingartillögur við þetta frumvarp og þær styð ég.
Hér er hins vegar líka verið að velta skuldum einkafyrirtækis yfir á almenning í landinu, skuldum sem stofnað var til í siðspilltu og óréttlátu viðskiptaumhverfi sem stofnað var til þar sem líka þreifst siðspillt stjórnmálaumhverfi. Því get ég ekki greitt þessari ábyrgð atkvæði mitt.