138. löggjafarþing — 11. fundur, 20. okt. 2009.
afturköllun á ákvörðun umhverfisráðherra um Suðvesturlínu.
11. mál
Frú forseti. Mig langar til að þakka hv. þm. Ragnheiði Elínu Árnadóttur örstutt fyrir að túlka orð mín um frekju sér og sínum málstað í hag. Það hvarflar ekki að mér að kalla baráttu Suðurnesjamanna fyrir atvinnu frekju. Ég er ekki þannig maður. En sá gjörningur sem felst í þessari ályktun og gerir úlfalda úr mýflugu kalla ég leikrit. Ég gerði það fyrr í kvöld og ég mun gera það áfram og ég mun kalla þennan gerning áfram frekju. Þetta er algerlega tvennt ólíkt.