ríkisábyrgð á lántöku Tryggingarsjóðs innstæðueigenda og fjárfesta.
Já, mér er það fyllilega ljóst að eftirstöðvar verða ekki felldar niður. Ég veit ekki hvort hv. þm. Birgir Ármannsson tók eftir því en ég sagði í ræðu minni að það hvarflaði aldrei að mér í sumar að eftirstöðvar yrðu lagðar niður. Það hefur aldrei hvarflað að mér að við þyrftum ekki borga upp alla skuldina.
Hvaða varðar fyrirvarann um dómstólaleiðina kemur það fram í þessum lagalega fyrirvara, sem ég held að sé í 2. gr., stendur núna að við getum rætt um það, efnt til viðræðna ef það kemur í ljós einhvern tíma í framtíðinni að okkur hefði ekki borið að greiða þessa skuld, getum við hafið viðræður þar um. Það er mjög gott. (PHB: Yfir kaffibolla.) Það gerast oft mjög góðir hlutir yfir kaffibolla.