skipulag þingstarfa.

Hæstv. forseti. Ég vildi spyrja hæstv. forseta hvaða áform hún hafi varðandi fyrirtöku Icesave-frumvarpsins í þinginu. Ég las áðan á einhverjum vefmiðli að hæstv. fjármálaráðherra væri þeirrar skoðunar að málið ætti að koma fyrir þingið á fimmtudag. Ég velti fyrir mér hvort hæstv. forseta er kunnugt um þessa ósk hæstv. fjármálaráðherra og hvort ætlunin sé að verða við henni.