ríkisábyrgð á lántöku Tryggingarsjóðs innstæðueigenda og fjárfesta.
Frú forseti. Ég þakka hv. þm. Pétri H. Blöndal fyrir að flytja góða ræðu eins og hans var von og vísa. Ég hef þó áhuga á að spyrja út í nokkur atriði.
Hv. þingmaður nefndi áhættu sem tekin er í ljósi óvissu um verðbólgu eða verðhjöðnun í Bretlandi. Er hv. þingmaður ekki sammála því að jafnvel þó að töluverð verðbólga yrði í Bretlandi þyrfti í raun verðbólga þar að vera meiri eða hærri en verðbólga á Íslandi vegna þess að verðbólga á Íslandi á sama tíma mundi fella gengi krónunnar, krónan yrði minna virði, og það mundi vega upp verðbólguna í Bretlandi? Ég hygg að sjaldan hafi raunin verið að verðbólga hafi verið hærri í Bretlandi en á Íslandi á sama tíma.
Hitt er það sem hv. þingmaður nefndi varðandi heildarsekt þjóðarinnar. Af því að ég sé að tími minn er útrunninn ætla ég að spyrja hann nánar út í það í næsta andsvari.