138. löggjafarþing — 30. fundur, 24. nóv. 2009.
ríkisábyrgð á lántöku Tryggingarsjóðs innstæðueigenda og fjárfesta.
76. mál
Frú forseti. Ég þakka hv. þingmanni fyrir heiðarlegt svar. Mörg okkar voru á þjóðfundi fyrir rúmri viku þar sem var kallað á heiðarleika og mig langar að spyrja hv. þingmann hvort hann sé ekki sammála mér um að það sé ekki heiðarlegt af okkur að taka á okkur skuldbindingar sem við vitum að við ráðum ekki við.
Eins langar mig að spyrja hv. þingmann hvort hann telji að samþykkt Icesave sé inngöngumiði okkar inn í Evrópusambandið.