ríkisábyrgð á lántöku Tryggingarsjóðs innstæðueigenda og fjárfesta.
Hæstv. forseti. Ég verð reyndar að segja það hæstv. forseta til málsbóta að hún hefur enn ekki með formlegum hætti lýst því yfir að ekki verði gert matarhlé. Hún hefur því full tök á að boða til þess án þess að ganga í berhögg við það sem hún hefur áður sagt og ég skora á hana að gera það.
Aðalatriði málsins er kannski það sem ég spurði um hér áðan sem varðar það hvaða áform forseti hefur um framhald funda í dag. Það gerist stundum að við fundum á laugardegi í desember en það er óvenjulegt í nóvember. Hv. þingmenn og hæstv. ráðherrar hafa sumir gert aðrar ráðstafanir, eins og m.a. má sjá á ráðherrabekkjunum, og því skiptir það máli fyrir okkur að fá einhverja meginlínu í það frá hæstv. forseta hversu lengi (Forseti hringir.) hún hyggst halda áfram störfum hér í dag.