138. löggjafarþing — 36. fundur, 2. des. 2009.
ríkisábyrgð á lántöku Tryggingarsjóðs innstæðueigenda og fjárfesta.
76. mál
Herra forseti. Ég greindi enga sérstaka spurningu hjá hv. þingmanni en ég get alveg tekið undir að við verðum að fara að hugsa þetta og setja þetta í samhengi sem venjulegt fólk skilur. Við teljum bara núllin og við sjáum ekki muninn. Munurinn á tíkalli og hundraðkalli er ekki svo mikill í okkar huga en munurinn á 10 milljörðum og 100 milljörðum er auðvitað alveg gífurlegur. Það er samhengið sem er okkar hlutverk að skilja og kannski útskýra fyrir öðrum.