fjárlög 2010.
Hæstv. forseti. Hvað varðar hjúkrunarheimilin. Til okkar kom fulltrúi frá Samtökum fyrirtækja í heilbrigðisþjónustu og lýsti því að með þeirri breytingu að færa þessa þjónustu, öldrunarþjónustuna, yfir til félagsmálaráðuneytisins mundi mönnunin breytast. Ég er alveg hreint sammála því að inni á dvalarheimilum þar sem er meira félagsleg þjónusta við aldraða má sannarlega og á að breyta mönnuninni (Gripið fram í.) og inn á hjúkrunarheimilin þarf líka að koma miklu fjölbreyttari þjónusta hvað varðar sálræna og félagslega þjónustu. En við megum ekki, og það er það sem heilbrigðisnefnd ætlar að standa vörð um, slaka á hjúkrunarþjónustunni og þeirri meðferð (Forseti hringir.) sem snýr að heilbrigðisvandamálum.