Virðulegur forseti. Hér erum við að greiða atkvæði um það hvort við ætlum í rauninni að vinna okkur út úr þessari kreppu. Þetta er valkosturinn við það sem spunameistarar ríkisstjórnarinnar kalla norræna velferðarskatta sem eru ekkert annað en gamaldags eftirágreiddir flóknir skattar sem Íslendingar höfnuðu fyrir löngu af gildri ástæðu. Íslendingar munu finna fyrir því á næsta ári af hverju þessu var hafnað á sínum tíma. Ungt fólk mun finna fyrir því, fólk sem vinnur á fleiri stöðum en einum, hversu slæmt það er að vera með flókið og erfitt skattkerfi sem ekkert réttlæti er í heldur fyrst og fremst flækjustig og einhverjir skrýtnir draumar vinstri manna um skattahugmyndir eru að komast í framkvæmd. (Forseti hringir.) Ég segi já við þessari tillögu.