ríkisábyrgð á lántöku Tryggingarsjóðs innstæðueigenda og fjárfesta.
Virðulegur forseti. Ég ætla að styðja það frumvarp sem hér er til afgreiðslu og segja já. Ég tel það erfitt verk. Mér er það ekki léttbært. Ég lít á það sem skyldu mína í þröngri stöðu að styðja þetta mál, en ég vil líka segja það hér í þessum sal í kvöld að okkur hefur mistekist á þessu þingi að afgreiða þetta mál svo sómi sé að fyrir þjóðina, (Gripið fram í: Heyr, heyr.) því miður, okkur öllum. Við getum dregið lærdóm af því hvernig okkur tókst til í þessu máli. Þjóðin á það inni hjá okkur að við gerum það þessa máls vegna. Hér er um að ræða í mínum huga siðferðileg reikningsskil liðins tíma. Hvernig við afgreiðum þetta mál ræður framhaldinu og hvernig við byggjum upp að nýju. Hér er upphafið að mínu mati á nýrri byrjun. Ég segi já.