Stjórnarráð Íslands.

Hæstv. forseti. Mér er nokkur vandi á höndum að svara hv. þm. Guðlaugi Þór Þórðarsyni fyrir hönd annars fólks. Ég get þó sagt það að ekki kom fram í allsherjarnefnd fyllri rökstuðningur við breytingarnar sem þarna eru lagðar til en fram koma í greinargerð með frumvarpinu.

Hins vegar get ég sagt og það hefur svo sem heyrst í umræðunni í þingsal að það er trú þeirra sem að málinu standa og bera ábyrgð á því að með þessu náist fram sparnaður. Hvernig hann næst er aftur meira á reiki.