skýrsla þingmannanefndar til að fjalla um skýrslu rannsóknarnefndar Alþingis.
Frú forseti. Ég þakka hv. þingmanni fyrir svarið.
Það er rétt að niðurstaða þingmannanefndarinnar kemur eftir að búið er að gagnrýna skattalækkanir á þenslutíma. Nú búum við við samdráttarskeið og höfum neyðst til þess að fara út í skattahækkanir, m.a. til þess að ná niður halla á ríkissjóði á mjög skömmum tíma. Við erum sem sagt núna að fara í aðhaldssama stefnu í ríkisfjármálum, eins og það er kallað, og aðhaldssama stefnu í peningastefnumálum sem er stefna sem ætti fyrst og fremst að beita á þensluskeiði en ekki á samdráttarskeiði. Við ættum að vera með lausbeislaða peningamálastefnu og lausbeislaðri stefnu í ríkisfjármálum ef við mundum draga þann lærdóm sem þingmannanefndin (Forseti hringir.) telur að við þurfum að gera.