fríverslunarsamningur EFTA-ríkjanna og Kólumbíu og landbúnaðarsamningur Íslands og Kólumbíu.

Frú forseti. Þetta er athyglisverður samningur sem utanríkisráðuneytið hefur gert við Lýðveldið Kólumbíu. Ég vil spyrja hæstv. utanríkisráðherra hvort það sé réttur skilningur minn að ef við værum gengin í Evrópusambandið þá mættum við ekki gera svona samninga, hvorki við Kólumbíu né Kína eða önnur ríki sem við erum að ræða við.