samvinnuráð um þjóðarsátt.
Virðulegi forseti. Ég er ekki sammála hv. þingmanni um að það séu einhver tengsl á milli verðtryggingar og krónunnar sem slíkrar heldur sé þetta fyrst og fremst spurning um fjárfestingartækifæri og að koma í veg fyrir að fjárfestar flýi landið. Ég vil í þessu sambandi líka spyrja hv. þingmann, sem er einn af aðdáendum Evrópusambandsins, hvort hann sé fylgjandi því að við afnemum gjaldeyrishöftin með skattlagningu á útstreymi fjármagns og losnum þannig strax við þessi gjaldeyrishöft sem eru í andstöðu við EES-samninginn og jafnframt væntanlegan ESB-samning.