139. löggjafarþing — 45. fundur, 9. des. 2010.
fjárlög 2011.
1. mál
Virðulegi forseti. Ég fagna þessum fjárlagalið og tel að stjórnlagaþingið eigi eftir að verða þessari þjóð til góðs og mikils sóma. Það var tími til kominn að ráðist yrði í alvarlegar breytingar og endurskoðun á stjórnarskránni.
Ég hefði kannski átt að gera það áðan en ég vil líka segja að ég vona að þar sem Alþingi hefur fengið aukafjárveitingu geti það séð af aðeins meiri peningum í umboðsmann Alþingis sem er mjög mikilvæg stofnun sem þarf að styrkja á þessum erfiðu tímum. (Gripið fram í: Heyr, heyr.)
