139. löggjafarþing — 45. fundur, 9. des. 2010.
fjárlög 2011.
1. mál
Virðulegi forseti. Ég styð að sjálfsögðu þessa aðgerð ríkisstjórnarinnar þó að enn vanti fjármagn í dómstólana. Dómstólar eiga að vera sjálfstæðir og óháðir öllum aðilum, þeir verða að sýna fram á sjálfstæði sitt og þess vegna verður Alþingi að tryggja þeim fjármagn til starfa sinna. Þetta er þjóðþrifamál og nú verður þessi ríkisstjórn að forgangsraða upp á nýtt. Þetta er fyrsti hlutinn af því þó að það sé ekki nærri nógu mikið fjármagn lagt í þetta að þessu sinni.