139. löggjafarþing — 45. fundur, 9. des. 2010.
fjárlög 2011.
1. mál
Frú forseti. Ég vek athygli þingheims á því að hér er horfið frá þeim tillögum sem komu fram í fjárlagafrumvarpi um skerðingu á fæðingarorlofi. Sem formaður félags- og tryggingamálanefndar fagna ég því, enda hefur nefndin þurft að standa að mikilli skerðingu á fæðingarorlofi hingað til og við töldum að ekki yrði lengra gengið. Ég fagna því mjög að ríkisstjórnin og stjórnarflokkarnir ætla að standa vörð um fæðingarorlofskerfið.