fjárlög 2011.
Frú forseti. Þegar hv. fjárlaganefnd tekur þetta mál inn milli 2. og 3. umr. skora ég á hana að breyta þessu ákvæði. Hér stendur nefnilega, með leyfi frú forseta:
„7.17 Að veita Nýjum Landspítala ohf. skammtímalán vegna undirbúnings hönnunar nýs Landspítala við Hringbraut.“
Þetta er ótakmarkað. Þetta er gjörsamlega ótakmarkað og stenst ekki 41. gr. stjórnarskrár:
„Ekkert gjald má greiða af hendi, nema heimild sé til þess í fjárlögum eða fjáraukalögum.“
Það er ekki hægt að setja ótakmarkaðar upphæðir í fjárlög. (VigH: Rétt.)