sérstakur skattur á fjármálafyrirtæki.

Virðulegi forseti. Við göngum til atkvæða um frumvarp um sérstakan skatt á fjármálafyrirtæki. Það er mikilvægt að þar verði vandað vel til langtímafyrirkomulags skattheimtu á fjármálafyrirtæki og því er sú tilhögun sem hér er lagt upp með einungis ætluð til eins árs. Það er mikilvægt í ljósi reynslunnar að við ætlum okkur tíma að fara yfir með hvaða hætti við högum best skattheimtu á fjármálafyrirtæki til að við búum við heilbrigt fjármálakerfi til lengri tíma litið, verðleggjum áhættu rétt og tryggjum að skattlagningin verði á áhættusamari fjármálastarfsemi frekar en þá áhættuminni.