samningar um ábyrgð á endurgreiðslu Tryggingarsjóðs innstæðueigenda til breska og hollenska ríkisins.

Hæstv. forseti. Við greiðum atkvæði um 1. gr. frumvarpsins við 2. umr. Ég vil taka fram að ég deili ekki skoðunum með þeim sem eru tilbúnir til að samþykkja þetta frumvarp á þessu stigi málsins. Ég mun sitja hjá við þessa atkvæðagreiðslu í dag og vísa til þess að málið á eftir að fá frekari meðferð í þinginu. Þrátt fyrir að þetta mál hafi verið erfitt fyrir okkur öll höfum við þó náð verulegum árangri. Fram hjá því verður ekki horft en enn þá er mat manna mismunandi á því hvort sá kostur sem nú er á borðinu sé góður eða ekki, hvort hann sé tækur eða ekki, og við þessar aðstæður sit ég hjá. Ég mun koma nánar inn í þetta við 3. umr. málsins sem vonandi fer fram innan skamms.