orð þingmanns í umræðu um störf þingsins.
Frú forseti. Ég geri alvarlega athugasemd við það hvernig hæstv. forseti stýrir þessum fundi. Mér finnst ekki sæmandi þegar við tölum um virðingu Alþingis að hingað upp komi þingmenn í hrönnum, sérstaklega úr röðum Vinstri hreyfingarinnar – græns framboðs, og séu með ávirðingar gagnvart fólki úti í bæ sem getur ekki svarað fyrir sig á þessum vettvangi.
Hér hafa ítrekað komið fram ávirðingar á hendur sveitarstjórnarfólki í ákveðnum sveitarfélögum. Fólkið er ekki hér en það er kannski að horfa á þennan málflutning í sjónvarpinu. Finnst mönnum það virkilega í lagi að þingmenn komi hér upp og beri svo alvarlegar sakir sem raun ber vitni á sveitarstjórnarmenn í landinu? Það hæfir ekki virðingu þingsins. Það væri nær að kalla viðkomandi aðila á fundi þingnefndar til að fara yfir málin frekar en að ráðast svona á viðkomandi. Þetta er þinginu ekki til sóma.