samningar um ábyrgð á endurgreiðslu Tryggingarsjóðs innstæðueigenda til breska og hollenska ríkisins.

Virðulegi forseti. Því fylgir alltaf áhætta að fara með mál fyrir dómstóla hvort sem það er mál sem varðar milliríkjadeilu eða einkamál t.d. fyrir dómstólum hér á landi. Það er aldrei með fullri vissu hægt að lýsa því hver niðurstaða dómstóls í máli eins og þessu verður og við vitum í rauninni ekki hvaða dómstóll það gæti verið sem mundi geta skorið úr um þann ágreining sem við eigum í.

Ég hef hins vegar alltaf talið að styrkur okkar í málinu sé sá að hvorki í íslenskum lögum né lögum Evrópuréttarins eru nein ákvæði sem geri það að verkum að kröfur Breta og Hollendinga á hendur okkur (Forseti hringir.) séu lögum samkvæmt. Meðan svo er tel ég að réttarstaða okkar í slíku dómsmáli, verði í það farið, sé mjög (Forseti hringir.) sterk.

(Forseti (RR): Forseti minnir hv. þingmenn á að ræðutíminn er aðeins ein mínúta.)