skipun stjórnlagaráðs.

Herra forseti. Ég er hjartanlega sammála hv. þm. Pétri H. Blöndal um að við þurfum að breyta þessu atriði. Það er eitt af því sem við þurfum að ganga í að verði öðruvísi eftir kjörtímabilið sem nú er. Þess vegna eigum við ekki að hætta í miðjum klíðum. Þess vegna eigum við að halda ferlinu áfram. Við erum búin að halda þjóðfund. Við erum búin að láta stjórnlaganefnd vinna. Við erum komin að þeim kafla í endurskoðunarferlinu þar sem við ætlum að fá fólk utan Alþingis til að fara yfir hvort tveggja og vinna frumvarp, vonandi m.a. um þær breytingar á stjórnarskránni sem hv. þingmaður nefndi um hvernig greiða á atkvæði um hina eiginlegu stjórnarskrá. Það er þetta sem við flutningsmenn leggjum áherslu á og við megum ekki hætta í miðjum klíðum.

Svo ætla ég að nota seinna andsvarið til að svara í sambandi við minnihlutaálitið í samráðshópnum.