Fyrri ræða

139. löggjafarþing — 111. fundur,  13. apr. 2011.

vantraust á ríkisstjórnina, þingrof og nýjar kosningar.

751. mál
[21:24]
Horfa

Magnús Orri Schram (Sf):

Virðulegi forseti. Viljum við ríkisstjórn sem stenst þrýsting um gamaldagslausnir á núverandi vanda þjóðarinnar og vill efla atvinnulíf sem skapar verðmæti byggt á hugviti fólks? Viljum við fá að taka upplýsta ákvörðun um aðild að ESB? Viljum við breytingar á kvótakerfinu þar sem tryggt verður að um leiguréttindi sé að ræða og að útgerðarmenn greiði verulegar upphæðir í sameiginlega sjóði okkar landsmanna? Viljum við sjá raunverulegar breytingar á stjórnarskrá?

Í mínum huga, frú forseti, er engin spurning hvert svarið er við þessum spurningum. Núverandi ríkisstjórn er sú eina sem getur klárað þessi atriði.

Þess vegna segi ég nei við vantrausti.

Næsta ræða