eftirlit með skiptastjórum þrotabúa.
Virðulegi forseti. Það er eflaust rétt að ég hefði átt að beina þessari fyrirspurn til hæstv. innanríkisráðherra en úr því að ég er farinn að spyrja hæstv. efnahags- og viðskiptaráðherra er best að klára bara samtalið við hann.
Það er náttúrlega öllum ljóst að við erum að setja nýtt met, að mér skilst, í gjaldþrotum fyrirtækja hér á Íslandi, met sem við Íslendingar viljum að sjálfsögðu alls ekki hafa slegið eða tala um sem met. En úr því að hæstv. innanríkisráðherra er í salnum bið ég hann, ef hann heyrði ekki fyrirspurn mína áðan, að skoða hana þegar hann kemur í ráðuneyti sitt.
Það sem ég er að velta fyrir mér, virðulegi forseti, er þetta: Er möguleiki á að kröfuhafar þrotabúa hafi ekki tök á eða fram hjá þeim fari einhverjar eignir sem kunna að vera í búunum? Þá er ég að tala um almenn bú venjulegra fyrirtækja sem eiga kannski húseignir á Flórída eða einhvers staðar sem rata ekki til skiptastjóra. (Forseti hringir.) Ég vil vekja athygli á að það þarf að skoða.