NATO og flóttamenn frá Afríku.
Frú forseti. Ég vil þakka hæstv. utanríkisráðherra fyrir svörin. Ég vil hvetja hann til að nýta stöðu sína sem utanríkisráðherra Íslands og grennslast fyrir um hið sanna í málinu. Við berum ábyrgð sem aðilar að NATO á svona uppákomum, því miður, og við verðum að vita hið sanna í málinu.
Það er auðvitað frumskylda sjófarenda að koma mönnum til bjargar hvar sem er og hvenær sem er. Það þekkja Íslendingar öðrum betur. Ekki ætti að koma á óvart en kemur þó ýmsum ríkjum nú í opna skjöldu að hin hliðin á hernaðaraðgerðum er flóttamannastraumur. Menn verða að búa sig undir hann í samvinnu ríkja þannig að hægt sé að hjálpa flóttamönnum sem fara allslausir yfir hafið með ekkert nema fötin utan á sér og börnin sín (Forseti hringir.) til að bjarga lifi sínu.
