opinber innkaup.
Virðulegi forseti. Eins og áður segir er hér verið að gefa Ríkiskaupum heimild til að taka þátt í útboðum í öðru ríki á Evrópska efnahagssvæðinu. Þannig er verið að veita heimild sem beitt er í undantekningartilvikum þegar erfiðlega reynist að fá samkeppnishæft verð. Hér er markmiðið sparnaður í ríkisrekstri og undir það tekur viðskiptanefnd. Það er mikilvægt að árétta í þessu sambandi að markmið frumvarpsins er fyrst og fremst að ná fram hagstæðu innkaupsverði hjá erlendum framleiðendum án þess að frumvarpið hafi í för með sér veruleg áhrif fyrir innlenda umboðsaðila eða innlend fyrirtæki.
Eins og fram kom mun málið fá frekari umfjöllun í viðskiptanefnd á milli 2. og 3. umr.