stjórn fiskveiða.
Virðulegi forseti. Ég vil þá inna hv. þingmann eftir því ef hann telur að óvissu í greininni sé um að kenna að ekki hafi verið fjárfest, hvaða skýringar hann hefur á því að eitt stærsta útgerðarfyrirtæki í landinu fjárfesti nýlega fyrir um 11 milljarða í öðru sjávarútvegsfyrirtæki. Er skýringin sú að menn hafi trú á því frumvarpi sem liggur fyrir Alþingi?
Ég vil líka spyrja hv. þingmann hvort hann telji að smábátaútgerð í landinu sé arðsöm fyrir þjóðarbúið. Og ef útreikningar í hagfræði sýndu að átta frystitogarar gætu veitt allan afla á Íslandsmiðum mundi hv. þingmaður telja að rétt væri fyrir þjóðarbúið að gera út með þeim hætti?