niðurstaða ESA um Icesave.
Virðulegi forseti. Ég get upplýst að utanríkismálanefnd hefur þegar verið boðuð til fundar kl. 3 í dag þar sem hæstv. efnahags- og viðskiptaráðherra mun koma fyrir nefndina og gera grein fyrir stöðu málsins. Ég vænti þess að í kjölfarið muni hæstv. efnahags- og viðskiptaráðherra gera þingheimi grein fyrir málinu með yfirlýsingu þannig að það mun skýrast væntanlega í dag. En utanríkismálanefnd kemur til fundar kl. 3 og hefur hæstv. forseti vinsamlega fallist á að nefndin fundi þó að þingfundur sé í gangi.