Stjórnarráð Íslands.
Frú forseti. Ég ætla ekki að svara hv. þm. Merði Árnasyni en það er áhugavert að fá svo sem eins og 20 þingmenn Samfylkingarinnar í pontu. Þeir hafa ekki talað allir, langt í frá.
Ég vil benda hæstv. forseta á 56. gr. þingskapa en þar stendur í 1. mgr., með leyfi forseta:
„Forseti gefur þingmönnum venjulega færi á að taka til máls í þeirri röð er þeir beiðast þess þá er dagskrármálið er tekið fyrir. Þó getur hann vikið frá þeirri reglu við ráðherra, sem hlut á að máli, og framsögumann, svo og til þess að ræður með og móti málefni skiptist á …“
Þarna er gert ráð fyrir í þingsköpum að umræða eigi sér stað, fram komi svör og andstæð sjónarmið. Hér vantar alla hæstv. ráðherra og framsögumenn sem málið varðar til að ræða málið málefnalega.