afturköllun ákæru á hendur Geir H. Haarde, fyrrv. forsætisráðherra.

Virðulegur forseti. Ég þakka hv. þm. Atla Gíslasyni fyrir innlegg sitt við þessa umræðu. Ég átti sæti í þeirri nefnd sem hann stýrði, var hins vegar hvorki í þeim meiri hluta né minni hluta sem komu með ákærur á hendur ráðherrum.

Ég vil spyrja hv. þingmann hvort hann telji að með frávísun landsdóms á tveimur fyrstu ákæruatriðum á hendur ráðherrunum fjórum sem þingsályktunartillagan boðaði séu forsendur fyrir ákærunni brostnar.