ráðgefandi þjóðaratkvæðagreiðsla um tillögur stjórnlagaráðs að frumvarpi til stjórnarskipunarlaga.

Frú forseti. Ég er mjög ánægður að heyra myndlíkingu hv. þingmanns við leikrit, að búið sé að skrifa handrit og að þjóðin eigi að taka þátt í þeim skrifum. Þess vegna er ég núna að fara í gegnum það efnislega þannig að þjóðin geti áttað sig á því hvað stendur í handritinu.

Ég vil spyrja hv. þingmann og nota myndlíkingu: Segjum að þjóðin samþykki í sumar handrit að ástarsögu en svo komi Alþingi seinna og breyti því í hryllingssögu. Hvað finnst hv. þingmanni um það?