þingsályktunartillaga um framferði kínverskra yfirvalda gagnvart tíbesku þjóðinni.

Forseti. Ég tek undir orð hv. þm. Þórs Saaris og finnst sorglegt og skammarlegt að við fáum ekki tækifæri til að ræða þessi mál á Alþingi og furða mig á því að forseti Alþingis, Ásta Ragnheiður Jóhannesdóttir, vilji ekki gefa okkur kost á að nýta tækifærið til að ræða þessi mál þegar forsætisráðherra Kína er hér á landi í boði forsætisráðherra Íslands. Það undrar mig líka að hvorki hæstv. utanríkisráðherra né hæstv. forsætisráðherra vilja vera viðstaddir í þessum óundirbúna fyrirspurnatíma til að ræða við okkur þingmenn um þessi mál. Mér finnst það bara skammarlegt.