Virðulegi forseti. Ég þarf að rifja betur upp þessi tilteknu lög sem hv. þingmaður vísar í áður en ég þori algerlega að fara með þetta, en það er alveg rétt að það hefur ekki verið almenn tilhneiging í hinum opinbera geira að hafa fulltrúa starfsmanna í stjórnum, ég held að það sé alveg rétt hjá hv. þingmanni.
Ég mun þurfa að skoða aðeins betur þessi tilteknu lög en að þessu leyti teljum við — og það er hreinlega út af lýðræðishlutverki stofnunarinnar, Ríkisútvarpsins, sem er meira en annarra hefðbundinna stofnana getum við sagt, því tel ég mikilvægt að það endurspeglist í starfsháttum og það eru rökin fyrir þessu.