breytt skipan ráðuneyta í Stjórnarráði Íslands.

Virðulegi forseti. Ég held að við hv. þm. Birgir Ármannsson getum verið alveg sammála um að vinnubrögðin eru betri og hafa batnað verulega frá því árið 2007. (Gripið fram í: Uu, nei.) Það segir sig alveg í þessu máli eins og flestum öllum öðrum. En hv. þingmaður hefur að vísu skipt um skoðun varðandi það hvernig standa eigi að stjórnskipulagsbreytingum.

Ég hef sagt það í umræðunni í dag og kvöld að mikilvægt sé að stjórnvöld hverju sinni hafi umboð og stöðu til að fara fram með þá breytingu á ráðuneytaskipan sem menn telja nauðsynlega hverju sinni. Það á ekki að njörva það fast niður þannig að ekkert svigrúm sé til að móta starfið og verkskipanina í takt við þær áherslur og þau lykilmálefni sem stjórnvöld vilja koma fram hverju sinni. Aðstæður (Forseti hringir.) í samfélaginu eru líka síbreytilegar. Við þurfum að taka mið af því.