breytt skipan ráðuneyta í Stjórnarráði Íslands.

Frú forseti. Það er ánægjulegt að hv. þingmenn Sjálfstæðisflokksins skuli sakna svo mjög hæstv. forsætisráðherra úr þessum sal. Ég leyfi mér að rifja stuttlega upp að fyrri umr. tók á tólfta klukkutíma. Hún var aðallega við málshefjanda, hæstv. forsætisráðherra, sem fór í andsvör, fékk andsvör frá mjög mörgum þingmönnum og tók mjög virkan þátt í umræðunni við fyrri umr. eins og vera ber. Þá var hæstv. forsætisráðherra líka hér megnið af gærdeginum og eins í dag. Enn eru margir á mælendaskrá og við sem hér erum viljum gjarnan hlýða á mál þeirra þannig að ég hvet hv. þm. Unni Brá Konráðsdóttur til að færa sig neðar á mælendaskrá svo sem eins og um eitt þrep þannig að við megum halda áfram að hlýða á þær áhugaverðu umræður sem hér fara fram um málið.