breytt skipan ráðuneyta í Stjórnarráði Íslands.
Virðulegur forseti. Af þessu má ef til vill álykta sem svo að hæstv. núverandi efnahagsráðherra og fyrrverandi fjármálaráðherra hafi loksins náð fram vilja sínum hvað varðar þennan þátt breytinga á skipan ráðuneyta. Það er óneitanlega svolítið sérstakt, eins og við höfum rætt fyrr í dag, ef þetta er í samræmi við vilja Evrópusambandsins því að þá dregur hæstv. efnahagsráðherra í rauninni vagninn hvað varðar Evrópusambandsumsóknina frekar en hæstv. forsætisráðherra. Það kann að vera að hæstv. forsætisráðherra hafi einfaldlega ekki gert sér grein fyrir því hver vilji ESB væri í málinu, alla vega ekki þegar stjórnarsáttmálinn var undirritaður og eins þegar hún var spurð um þetta mál í þinginu í desember sl. En hæstv. efnahagsráðherra (Forseti hringir.) virðist hafa áttað sig á því og verið til taks til að gera nauðsynlegar breytingar.