dómur yfir flóttamönnum á unglingsaldri.
Hæstv. forseti. Ég ætla ekki að fara ofan í einstaka efnisþætti þessa máls eða framgöngu einstaklinga eða embætta. Ég hygg að allir séu að gera sitt besta í þessu efni.
Hv. þingmaður spyr hvað líði endurskoðun á regluverki og löggjöf sem snýr að flóttamönnum og hælisleitendum. Því er til að svara að með haustinu verður vonandi til frumvarp um ýmsar réttarbætur í þessum efnum. Við höfum stigið slík skref á undanförnum missirum og árum og þar hefur hv. þm. Mörður Árnason komið mjög vel að verki. Allsherjarnefnd þingsins og ráðuneytið hafa unnið ágætlega saman að réttarbótum. Við erum með samstarf á milli ráðuneyta undir forustu innanríkisráðuneytisins og ég vonast til að við höfum drög að nýrri löggjöf í haust.
Síðan skiptir ekki annað minna máli og það er allt vinnulagið. Þar erum við (Forseti hringir.) meðal annars að tala um þá efnisþætti sem hér hafa komið til umræðu.