ráðgefandi þjóðaratkvæðagreiðsla um tillögur stjórnlagaráðs að frumvarpi til stjórnarskipunarlaga.

Virðulegi forseti. Það svar sem ég var að sækjast eftir kom einmitt fram, að það eru þingmenn einir sem geta breytt stjórnarskrá. Hér í umræðum hefur komið fram mikil meðvirkni með tillögum stjórnlagaráðs í þá veru að það sem skilað var til Alþingis væri stórisannleikur. Svo kemur í ljós þegar fræðimenn koma að þessari vinnu að tillögurnar eru algerlega ófullburða og stangast oft á tíðum við önnur lög, núgildandi stjórnarskrá og alþjóðasamninga. Þetta var því vitavonlaust ferli frá upphafi en hæstv. forsætisráðherra hefur tekist að koma þessu í gegn með kostnaði upp á hátt í 1.000 millj. kr., og heldur áfram með málið ofan í skurð. Nú heitir þetta að hugmyndafræði tillagnanna skuli koma fram í þjóðaratkvæðagreiðslu. En, virðulegi forseti, búið er að blanda pólitískum spurningum upp á fimm liði í (Forseti hringir.) þjóðaratkvæðagreiðsluna. Hefði ekki dugað að spyrja einungis að tölulið eitt til að fá fram þessa hugmyndafræði?