ráðgefandi þjóðaratkvæðagreiðsla um tillögur stjórnlagaráðs að frumvarpi til stjórnarskipunarlaga.
Frú forseti. Mér finnst ræða hv. þingmanns verða sífellt óhuggulegri, vegna þess að hann er að tala um að ríkið eigi þá að eiga allar auðlindir. Það á eftir að skilgreina hvað er auðlind. Ég lít til dæmis þannig á að grasið sem sprettur á túnum bænda sé auðlind, það verður eitthvað til úr engu. Afrétturinn er auðlind o.s.frv. Í raun er hv. þingmaður að segja að fólk sem hugsar á þennan hátt gæti látið ríkið yfirtaka allar bújarðir. Það að geta búið í Reykjavík á lóð er líka auðlind af því að ef ég gæti ekki búið á lóð í Reykjavík yrði ég að fara eitthvað annað. Þetta er stórhættuleg hugsun. Sjálfstæðisflokkurinn hefur staðið vörð um frelsi einstaklingsins, aðallega gagnvart ríkinu. Mér finnst þessi umræða komin út á mjög hættulegar brautir og tel að hv. þingmaður ætti ekki að stinga upp á því að ríkið ætti (Forseti hringir.) landið og miðin.