ráðgefandi þjóðaratkvæðagreiðsla um tillögur stjórnlagaráðs að frumvarpi til stjórnarskipunarlaga.
Virðulegi forseti. Hér er lagt til að kannaður verði þjóðarvilji um hvort draga eigi aðildarumsóknina til baka. Landsmenn voru aldrei spurðir hvort leggja ætti út í þessa Bjarmalandsför að hrynjandi Evrópusambandi eins og hæstv. innanríkisráðherra sagði í þinginu í síðustu viku, þ.e. að aldrei hefði verið vitlausara að ganga í Evrópusambandið. Ríkisstjórnin þorir ekki að horfast í augu við að 60–65% landsmanna vilja ekki í Evrópusambandið. Hvað er verra en ríkisstjórn sem er hrædd við þegna sína?
Það er því miður annar meiri hluti í þinginu en úti í samfélaginu. Tapist þessi orrusta í dag ætlum við Evrópusambandsandstæðingar að vinna stríðið. Það eru einungis rúmir 300 dagar í næstu alþingiskosningar. Alþingiskosningar eru ekki ráðgefandi skoðanakönnun. Þær eru bindandi.
Ég segi að sjálfsögðu já.