heimild til að fjármagna gerð jarðganga undir Vaðlaheiði.
Virðulegur forseti. Ég skal reyna að brýna raustina þannig að allir heyri hvað ég er að segja og endurtek það sem ég sagði áðan í andsvari mínu við hv. þm. Ólínu Þorvarðardóttur. Hér er um að ræða frumvarp til laga um fjármögnun á tilteknu verkefni og álit Alþingis á því hvort rétt sé að veita fjármálaráðherra heimild til að fjármagna þetta verkefni og hver áhrif þess kunni að vera á ríkissjóð, jákvæð eða neikvæð. Hér er ekki til umræðu samgönguáætlun, forgangur í samgöngumálum eða jarðgangagerð að öðru leyti heldur snýst málið um ríkisfjármálin og áhrif þessara framkvæmda á þau, það snýst um fjármögnun verkefnisins og líkur á því að það verði greitt til baka eins og til er ætlast.
Við getum haft hinar ýmsu skoðanir á samgönguáætlun og ég ætla að leyfa mér að hafa hana (Forseti hringir.) og eins á forgangi vegaframkvæmda innan samgönguáætlunar. (Forseti hringir.) Ég mun lýsa skoðun minni þegar slík mál verða tekin hér til umræðu.